Обраќање на деканот

Обраќање на деканот

Почитувани студенти,

Добредојдовте на Економскиот факултет при Универзитетот „Гоце Делчев“ – Штип.

Изборот да студирате економски науки е инвестиција во вашата иднина и во иднината на општеството. Економијата не е само теорија и бројки – таа е движечката сила зад развојот на бизнисите, институциите и заедниците. Стекнувајќи знаење од оваа област, вие се подготвувате да бидете активни учесници во создавањето решенија за економските и општествените предизвици, како на национално така и на глобално ниво.

Нашата цел е да ви овозможиме образование кое ќе ви даде практични и применливи вештини: од аналитичко размислување и управување со ресурси, до носење стратешки одлуки и развивање претприемачки дух. Студирањето економија не значи само да учите за пазарите и финансиските системи – тоа значи да стекнете знаење со кое ќе можете да влијаете врз подобрувањето на секојдневниот живот, креирањето на политики и унапредувањето на бизнис практиките. Со студирањето целиме стекнување на знаење кое ќе ве поврзи со менаџерските, маркетинг, сметководствените, меѓународните и воопшто економските аспекти кои се проткаени на секојдневното живеење.

Времето кое ќе го поминете на Економскиот факултет ќе ви отвори бројни можности – од академско усовршување и научни истражувања, до вклучување во проекти што градат врска со бизнис-секторот и локалната заедница. Ќе имате поддршка од нашите професори, кои со својата стручност и посветеност ќе ве водат низ патот на академскиот и професионалниот развој.

Во свет кој се менува со неверојатна брзина, знаењето од економските науки е повеќе од потреба – тоа е клуч за напредок, стабилност и иновација. Вашата амбиција и труд, во комбинација со нашата мисија и визија, ќе создадат генерација млади луѓе подготвени да креираат подобра иднина.