Доц. д-р Тамара Јованов-Апасиева неодамна одржа предавање во рамките на работилницата „Entrepreneurship and knowledge-based economy“ што се одржа на Економскиот институт во Загреб, Р. Хрватска. Предавањето беше насловено „Entrepreneurial Intentions in Selected Southeast European Countries“ и побуди голем интерес кај присутните професори и студенти.
Соработката со Економскиот институт – Загреб е резултат на научноистражувачка работа и на заеднички проект креиран од страна на доц. д-р Тамара Јованов-Апасиева и доц. д-р Љупчо Давчев од Економски факултет при УГД и истражувачите Едо Рајх и Јелена Будак од Економски институт – Загреб.
Проектот разработува актуелна и општествено значајна проблематика за претприемачките намери на младите лица, а е насловен како „Испитување на претприемачкиот потенцијал со фокус на претприемaчките намери на младите лица во земји во развој“.
Работна верзија на научниот труд може да се преземе на: https://hrcak.srce.hr/168656
